Мектепке шекемги тәлим кафедрасы
5111800 – «Мектепке шекемги тәлим» тәлим бағдары мектепке шекемги билимлендириў шɵлкемлери тәрбияшыларын таярлайды. Бүгинги күни Мектепке шекемги тәлим факультети қурамында табыслы хызмет етип атырған «Мектепке шекемги тәлим» кафедрасы 1990 жылы сентябрь айында ашылды. Көп жыллар даўамында бул кафедрада Республикамызға белгили устазлар ҳәм атақлы илимпазлар жумыс ислеп келген. Атап айтқанда, Г.Нажимов, Д.Тажимуратов, А.Пазылов, Т.Сапарбаев, М.Утепбергенова, Е.Н.Забирова, Н.С.Барыбина, Р.Ю.Сейтимбетова, Ж.А.Бекманова, Ж.Қайыпназарова, У.Сейтжанова, Е.Уразимбетов, К.А.Есенбаева, А.Давлетова, Б.Халмуратова, Ж.Кенжебаева, О.Усманов, Б.Абдуллаева ҳ.т.б кафедраның раўажланыўына үлкен үлес қоскан.
Ҳәзирги ўақытта «Мектепке шекемги тәлим» кафедрасына педагогика илимлери докторы, доцент Жумашева Гулнара Хамидуллаевна басшылық етип келмекте. Кафедрада психология илимлери кандидаты доцент Тлеумбетова Каллыгул Длимбетовна, педагогика илимлери кандидаты Алеўова Райхан, ассистент-оқытыўшылар Отениязова Шахида Есбосыновна, Ибрагимова Лизахан Авезовна, Наимова Зухра Кайратдиновна, Туребекова Гулжахан Адилбековна, Пирназарова Бахыт Матжанбаевна, Отениязова Палзада Есбосыновна, Ергалиева Жанар Айткалиевна, стажёр оқытыўшылар Сапарниязова Айгул, Айымбетова Даметкен, Наурызбаева Арзайымлар жумыс алып бармақта.
Кафедрада илимий-методикалық ҳәм оқыў-методикалық семинарлар шөлкемлестирилип, кафедра ағзалары өз искерликлерин көрсетип, зийрек талабалар менен биргеликте жумыслар алып бармақта. Усындай зийрек талабалардың бири М.Собирова 2008-жылы Өзбекстан Республикасы Президенти стипендианты болыўға мияссар болды ҳәм ҳәзирги ўақытта институтымыздың «Улыўма педагогика ҳәм психология» кафедрасында оқытыўшы болып ислеп атыр.
Талабалардың илимий жумысларын жеделлестириў мақсетинде кафедра жанында «Жас тәрбияшы» дөгереги жумыс ислеп турыпты.
Кафедра Низами атындағы ТМПУ, Бердақ атындағы ҚМУ, ӨзПИИИ ҚҚ филиалы ҳәмде Нɵкис қаласы ҳәм 17 район мектепке шекемги билимлендириў шɵлкемлеринде филиаллар ашып биргеликте жумыслар алып барылмақта. Мектепке шекемги тәлим қәнигелиги талабалары арасынан саўатлы, зийрек ҳәм белсенди талапшаң талабалар таңлап алынып, кафедраның зийрек талабалары қатарына бекитилген ҳәм олар илимий басшылары менен биргеликте бир қанша илимий мақалалар, тезислер баспадан шығарылды
